لما دب الكعب دبه

هذه القصيدة الفها شاعرنا الكبير الشهير ب ابو الدوح القاهري ( غصبا عن عين الفيلسوف اللي متضايق و هيموت من الغيظ من الاسم ) و هي مستوحاه من حالة الفيل الذي هو من النساء قتيل مع انه في الحقيقة زيه زي البرميل و بيتعب لما بيشوف حتى صنم مشكل من الخشب تشكيل

لما دب الكعب دبه قصيدة للشاعر أبو الدوح القاهري

لما دب الكعب دبه
نط قلبي واستخبى
من عيون الحب لحسن
تجرحه سهام المحبة

الضفاير عطر طاير
والشجر طارح بشاير
والقوام قايم وفاير
والمسائل مشرئبة
لما دب الكعب دبـــة

الغصون تهوى البلابل
والعيدان عاشقة السنابل
والنسيم ف الخد قابل
ضحكة ف وشوش الأحبة
لما دب الكعب دبـــة

كنت ماشي ف العجوزة
شفت لوزة ف البلوزة
زي كوز وما لهش عوزة
تدلقه ف الحب شابة
لما دب الكعب دبـــة

مر جنبي قال يا ساتر
راح رميني برمش فاتر
جيت ابحلق راح قايللي
ناقص أنت يا نص لبة
لما دب الكعب دبـــة

فوق كتافي ميت شكارة
وكبدي وجعاه المرارة
بس ناقصني الجسارة
واتظبط ف الحب حبة
لما دب الكعب دبـــة

ذنبي أني واد حنين
والعيون جايز تبين
والحكومة مش تعين
والقهاوي مستتبة
لما دب الكعب دبـــة

لما دب الكعب دبه
نط قلبي واستخبى
من عيون الحب لحسن
تجرحه سهام المحب

مع تحيات ابو الدوح القاهري

و في الاخر بنحب ننصح السيد الفيل انه يا اما يقوم بدور ايجابي و يبطل السلبية دي و يحاول يغير من نفسه عشان ميفضلش كدة يتعب من الكعوب و حالته تتدهور


يا اما في الاخر الكعب هيطلع لامؤاخذة من الجزمة و يخلي منظرك مش لطيف و مش هيبقى عندنا غير