الفيل يؤرخ : الجدية الهزلية فى الافلام التاريخية

اليكم بعض الجمل اللى بنسمعها فى الافلام التاريخية و كان المقصود بها قمة الدراما فاذا بها تصبح قمة الكوميديا

من فيلم الناصر صلاح الدبن
الموقف حينما كان الجيش يتسامر بعد انتصاره فى المعركة دار الحوار الآتى
- بيت غزل اوله نون
-نغير على اعدائنا ...
- نغير !!!!!؟؟؟؟؟؟ كفانا اغارة .... المبارزة فى ابيات الغزل يا كس امك


من فيلم الناصر صلاح الدين
لما كان صلاح الدين رايح يقابل قواد الجيوش الصليبية و يفاوضهم حقنا للدماء (معرفش ليه كلمة حقنا للدماء دى كلمة بتشعرنى بالالم مع انها بتستخدم حقنا للدماء) و كان رايح هو و عيسى العوام و واحد تالت فقط اه يا بضانى تلاتة بس رايحين يقابلوا الاف الجنود
- فيليب اوجوست قائد جيوش فرنسا
- سين صاد عين قائد اعلى جيوش بيزينتيا العظمى
- بوم طاخ هاع قائد جيوش بلاد الواء الواء و الحاصل على الدرع الذهبى من زعبولة القلة
--- صلاح الدين عبد الله

من فيلم وا اسلاماه
لما صلاح الديـ ..ا ا اقصد محمود راح يفاوض قائد عجيب فجأة ظهر مع جيوشه معرفش ظهر منين و لا ليه ........ و هى مش المنصورة دة فى مصر برضه و محمود كان بيدافع عن مصر طب معركة المنصورة دى ليه محمود مكانش فيها يا جدعان ؟؟؟؟؟
- مقدرش ادخل معاك فى معركة .... الجنود اللى انت شايفهم دول هم اللى فضلوا لى من معركة المنصورة
و فجأة الادان ادن و بدأوا يصلوا و نفس القائد بتاع المنصورة لما شاف التتار هايهجموا على المصلين قال جملة خلدها التاريخ بحروف من نور على رقاع من الجلد فاكتسى وجهه بالدهشة و قال:
هايضربوهم و هم بيصلوا


يا ريت يا ع ع ع و يا حاج كومبوستيلا(يعنى عمى عامر العلج و الحاج احمد حسنى كومبوستيلا و باكتبها بالشفرة عشان ما حدش يعرف انى باكلم عامر و لا احمد حسنى) تشوفا باقى الحوارات المأثورة و تضربا لنا بلوجين كدة على الماشى عشان انا مش فاكر الباقى