الفيل يودع: اشخرى يا انشراح.. حمادة كومبو راح

بين طرفة عين و انتباهتها تحول حمادة كومبو من فرد إلى جوز..لأ و نظراته و كلماته ابتدت تتغير و صوته بقى واضح... لما قابلناه فى الجامع يوم كتب الكتاب لقيته لابس لا مؤاخذة كرافتة بمبى روحت قايل له ايه يابنى اللون البمبى دة .. بص لى و وجهه يملؤه الإشراق و السعادة و قال لى : دة مش بمبى .. دة روز.


بصراحة ماعرفتش أرد بعد هذا الرد المسكت


:


:


:


:


:


اللى أنا خايف منه بصراحة هو نظرة كومبو للحياة بعد الجواز .. اذا كان كومبو أصلا مافيش حاجة بتجذب انتباهه.. و كل حاجة عنده عادى... أمال هاينظر للعالم ازاى بعد ما قدرته على الإندهاش هاتقل بعد حادثة الإندهاشة الكبرى ؟؟؟؟؟ متهيألى مش هايبص فى وشنا أصلا


بس ما تستعجلش يا كومبو.. يوم ما هانيجى نزورك بعد الجواز إن شاء الله هانجيبلك هدية هاتطلع من نافوخك